گرفتاری غیر قنونی ہووے گی، پھڑیا گیا تے آصفہ بھٹو آواز بنن گیاں: بلاول بھٹو

راولپنڈی: بلاول بھٹو آکھیا اے گرفتاری غیر قنونی ہووے گی، پھڑیا گیا تے آصفہ بھٹو آواز بنن گیاں، مارچ دے اعلان تے اک ہور نوٹس آ جاندا اے، حکومت سیاسی انتقام دا نشانہ بنا رہی اے، ماضی وچ وی سوالاں دا تن واری جواب دے چکیا آں۔

بلاول بھٹو نے نیب پیشی دے بعد میڈیا نال گل کردیاں آکھیا اعتراضات دے باوجود اج پیش ہویا، سابق چیف جسٹص نے اک سال پہلاں مینوں بے گناہ قرار دتا سی، کسے تجارتی سرگرمی وچ ملوث نہیں سی، 2پرائیویٹ کمپنیاں وچ لین دین ہویا، نیب دا کیہ تعلق اے؟ اوس ویلے میں کوئی پبلک آفس ہولڈر وی نہیں سی؟ جدوں کمپنی دا شیئر ہولڈر بنیا تے میری عمر 7ورھے سی، سوچیا سی نیب 7ورھے دے بچے تے کیس نہیں بناوے گا۔

بلاول دا کہنا سی پی ٹی آئی، آئی ایم ایف بجٹ نوں نہیں من دے، وزیراعظم کہندے نیں قبر وچ سکون ملے گا، دباء دی وجہ توں پیپلزپارٹی دا کوئی کارکن پچھے ہٹن نوں تیار نہیں۔ اوہناں آکھیا اسمبلی وچ اپوزیشن لیڈر دا کردار بہت اہم ہوندا اے، اپوزیشن لیڈر اسمبلی وچ موجود نہیں ہوندے، آس اے اپوزیشن لیڈر جلد آ کے اسمبلی وچ کردار ادا کرن گے۔