ایل این جی کیس: نیب نے شاہد خاقان دی درخواستضمانت دی مخالفت کر دتی

اسلام آباد: ایل این جی کیس وچ نیب تے شاہد خاقان دی درخواست ضمانت دی مخالفت کر دتی۔ قومی احتساب بیورو نے 24صفحیاں تے مشتمل تحریری جواب اسلام آباد ہائی کورٹ وچ جمع کرا دتا۔ نیب دا شاہد خاقان عباسی تے من پسند کمپنیاں نوں نوازن دا منصوبہ بنان دا الزام اے۔

نیب آکھیا شاہد خاقان عباسی نے کابینہ توں وی حقائق لُکا کے دھوکا دتا، ایل این جی دی یومیہ لوڑ زیادہ دس کے زیادہ ٹرمینل لا کے من پسند کمپنیاں نوں نوازن دا منصوبہ بنایا گیا، ایل این جی دی یومیہ ڈیمانڈ 1200کیوبک فٹ دس کے اک توں ودھ ٹرمینل لان دی بنیاد تیار کیتی گئی، اک توں ودھ ٹرمینل لان دا مقصد پسندیدہ کمپنیاں نوں ٹھیکے دے کے نوازنا سی۔

قومی احتساب بیورو آکھیا ایل این جی دا انتظام منصوبے دے تحت سوئی سدرن گیس دے بجائے انٹر سٹیٹ گیس کمپنی نوں دتا گیا، شاہد خاقان عباسی نے کابینہ نال وی دھوکہ کیتا تے ٹرمینل دی قیمت بارے ٹھیک حقائق نہیں دسے، جلدی وچ دوجا ٹرمینل وی بنا دتا گیا، ٹرمینل دی لاگت پاروں ایل این جی مہنگی وی ہو گئی، یومیہ ایل این جی ضرورت جانچن لئی شاہد خاقان نے کوئی وی سٹڈی نہیں کروائی۔