اسلام آباد ہائیکورٹ نے سکولاں وچ بالاں تے تشدد تے پابندی لاگو کر دتی

اسلام آباد: اسلام آباد ہائیکورٹ نے سکولاں وچ بالاں تے تشدد تے پابندی لاگو کر دتی۔ عدالت نے فریقین نوں نوٹس جاری کردیاں دو ہفتے وچ جواب طلب کر لیا۔ اسلام آباد ہائیکورٹ دے چیف جسٹس اطہر من اللہ نے بالاں تے تشدد تے جسمانی سزا تے پابندی لئی گلوکار شہزاد رائے دی درخواست تے سماعت کیتی۔

وکیل شہزاد رائے نے موقف اپنایا کہ شہزاد رائے زندگی ٹرسٹ دے زیر اہتمام 2سکول چلا رہے نیں، بالاں تے اج وی تشدد ہوندا اے تے جسمانی سزا دتی جاندی اے، کجھ دن پہلاں لہور وچ نجی سکول دے حنین بلال تے تشدد کیتا گیا۔ چیف جسٹس ہائیکورٹ نے ریمارکس دتے قومی اسمبلی نے بل وی پاس کیتا سی۔

وکیل شہزاد رائے آکھیا سیاسی معاملات دی وجہ توں قنون سازی نہیں ہو رہی۔ اسلام آباد ہائی کورٹ نے وفاقی دارالحکومت وچ بالاں تے تشدد روکن دا حکم دیندیاں آکھیا وزارت داخلہ بالاں تے تشدد دی روک تھام لئی اقدامات کرے۔ عدالت نے کیس دی ہور سماعت 5مارچ تک ملتوی کر دتی۔

اپنا تبصرہ گھلو