ای او بی آئی پنشنرز لئی خوشخبری، پنشن ہن ودھ کے ملے گی، ادارہ بقایا جات وی دیوے گا

اسلام آباد: ای او بی آئی پنشنرز لئی خوشخبری، ای او بی آئی پنشنرز نوں ہن پنشن ساڈھے 8ہزار روپے ملے گی، ادارہ 6ہزار روپے دے بقایا جات وی ادا کرے گا۔

حکومت نے پنشن وچ 2ہزار روپے وادھے دا اعلان کیتا سی جہدے تے عملدرآمد جنوری 2020توں ہونا اے، وفاقی کابینہ دی منظوری دے بعد ایہدا نوٹیفکیشن جاری کیتا جاوے گا جہدے بعد پنشنرز نوں ساڈھے 8ہزار روپے دے علاوہ 6ہزار روپے دے بقایا جات وی دتے جان گے۔

موجودہ حکومت ای او بی آئی پنشن وچ 60فیصد وادھا کر چکی اے، دو سال وچ پنشن 5250روپے توں ودھا کے ہن 8500روپے ہو چکی اے۔

ایس ویلے ای اوی بی آئی پنشنرز دی کل تعداد 4لکھ اے جہدے لئی حکومت نوں ماہانہ 3ارب روپے دی رقم جاری کرنی ہوندی اے۔