کراچی: 6منزلہ عمارت وچ تریڑ پے گئی، رہائشیاں دا خالی کرن توں انکار

کراچی: کراچی دے علاقے لیاری عثمان آباد وچ 6منزلہ عمارت وچ تریڑ پے گئی، بلڈنگ دے رہائشیاں نے عمارت نوں خالی کرن توں انکار کر دتا۔

عمارت وچ 11گھر موجود نیں، عمارت نوں اجے تک خالی نہیں کرایا جا سکیا، اہل علاقہ دے مطابق عمارت 6ورھے پہلاں تعمیر ہوئی سی، سینئر ڈائریکٹر علی مہدی آکھیا اے عمارت خالی نہ ہوئی تے وڈا نقصان ہو سکدا اے۔