حکمران جماعت تحریک انصاف دے نال معاملات طے ہو گئے: خالد مقبول صدیقی

اسلام آباد: ایم کیو ایم پاکستان دے سربراہ خالد مقبول صدیقی نے تصدیق کیتی اے حکمران جماعت تحریک انصاف دے نال معاملات طے ہو گئے نیں۔ پارلیمنٹ اجلاس دے بعد میڈیا نال گل کردیاں خالد مقبول صدیقی نے دسیا کجھ قنونی معاملات سن، جہناں نوں حل کر لیا گیا اے۔

آن والے ہفتے وچ سارے مطالبات دا حل نکل آوے گا۔

خالد مقبول صدیقی نے اک سوال دا جواب دیندیاں آکھیا موجودہ صورتحال وچ تحریک انصاف توں وزارت دا مطالبہ بیکار اے۔ کابینہ وچ بیٹھ کے عوامی مسئلے حل نہ کر سکے تے تاریخ سوال کرے گی۔

اوہناں دا کہنا سی وفاقی وزیر قنون بیرسٹر فروغ نسیم ساڈے اپنے نیں۔

سانوں جہڑی وزارتاں دی لوڑ سی، اوہناں وچ وزارت قنون شامل نہیں سی۔ حکومت نوں اک قابل وکیل دی لوڑ سی جو خوش قسمتی نال ایم کیو ایم دے کول سی۔