پاکستان ترکی دے نال بھرا دی طرح کھڑا اے: آرمی چیف

راولپنڈی: پاک فوج دے سربراہ آرمی چیف جنرل قمر جاوید باجوہ نے ایس عزم دا اظہار کیتا اے پاکستان ترکی دے نال بھرا دی طرح کھڑا اے۔ پاک فوج دے شعبہ تعلقات عامہ (آئی ایس پی آر) دے مطابق آرمی چیف جنرل قمر جاوید باجوہ نے ایہناں خیالات دا اظہار ترک وزیر دفاع ہولوسی اقر نال ملاقات وچ کیتا۔ دوواں رہنماواں وچکار ملاقات وچ دفاعی تعاون نوں فروغ دین تے وی گل بات کیتی گئی۔

آئی ایس پی آر دے مطابق آرمی چیف جنرل قمر جاوید باجوہ تے ترک وزیر دفاع وچکار ملاقات وچ باہمی دلچسپی تے علاقائی امور تے وی تبادلہ خیال کیتا گیا۔

دوواں رہنماواں نے خطے دی سکیورٹی صورتحال دے حوالے نال وی غور کیتا۔ ایس موقع تے آرمی چیف دا کہنا سی پاکستان ترکی دے نال تعلقات نوں خصوصی اہمیت دیندا اے۔

پاکستان ترکی دے نال بھرا دی طرح کھڑا اے۔ آئی ایس پی آر دے مطابق ترک وزیر دفاع ہولو سی اقر نے علاقائی امن لئی پاکستان دی کوششاں نوں سراہیا۔

اپنا تبصرہ گھلو