لکی مروت وچ اک ای دیہاڑے پولیو دے 4نویں کیسز ساہمنے آ گئے

پشاور: ضلع لکی مروت وچ اک ای دیہاڑے پولیو دے 4نویں کیسز ساہمنے آئے نیں جہدے بعد صوبے وچ پولیو کیساں دی تعداد ودھ کے 10ہو گئی اے۔

قومی ادارہ صحت اسلام آباد نے متاثرہ بالاں وچ وائرس دی تصدیق کیتی اے۔ پولیو ایمرجنسی آپریشن سنٹر توں جاری رپورٹ دے مطابق لکی مروت دی تحصیل بیٹنی دی یونین کونسل غنڈئی حسن خیل دے 22مہینے دے بچے تے یونین کونسل کوٹکہ عرب خان دی 18مہینے دے بالڑی وچ پولیو وائرس دی تصدیق کیتی گئی اے۔

مذکورہ بالاں نے روٹین ایمونائزیشن وچ پولیو توں بچاؤ دے قطرے نہیں پیتے سن جد کہ متاثرہ بالڑی دا تعلق انکاری خاندان توں دسیا جاندا اے۔

ایسے طرح لکی مروت دی تحصیل سرائے نورنگ دی یونین کونسل بخمل احمد زئی دے 17مہینے دے بچے تے یونین کونسل اباخیل دی 11مہینے دی بچی وچ وی پولیو وائرس دی موجودگی دی نشاندہی ہوئی اے۔

پولیو ایمرجنسی آپریشن سنٹر دی رپورٹ دے مطابق ایس ورھے صوبے توں رپورٹ ہون والے 10متاثرہ کیساں وچ 9کیساں دا تعلق ضلع لکی مروت توں اے جد کہ اک متاثرہ کیس ضلع ٹاک توں رپورٹ ہویا اے۔

اپنا تبصرہ گھلو