رکن سندھ اسمبلی شہباز انصاری بھتیجے دی فائرنگ نال جاں بحق

نوشہرو فیروز: پیپلزپارٹی دی رکن سندھ اسمبلی شہناز انصاری بھتیجے دی فائرنگ نال جاں بحق ہو گئیاں۔

پلس دے مطابق مقتولہ شہناز انصاری اپنے بہنوئی زاہد کھوکھر دے چالیسویں وچ رلت لئی دریا خان مری اپڑی جتھے اوہناں دے بھتیجے نے اوہناں تے فائرنگ کر دتی، فائرنگ دے نتیجے وچ شہناز انصاری شدید زخمی ہو گئیاں تے اوہناں نوں فوری طور تے نواب شاہ ہسپتال اپڑایا گیا پر اوہ زخماں دی تاب نہ لیاندیاں دم توڑ گئیاں۔ پلس حکام دا کہنا اے شہناز انصاری دے بہنوئی زاہد کھوکھر دا وی 40دن پہلاں انتقال ہو گیا سی تے اوہ اوہناں دے چالیسویں وچ رلت لئی نوشہرو فیروز اپڑی سی، اوہناں تے فائرنگ زمین دے تنازع تے ہوئی۔

رکن سندھ اسمبلی شہناز انصار ی دے قتل تے وزیراعلیٰ سندھ مراد علی شاہ نے نوٹس لیندیاں ڈپٹی کمشنر تے ایس ایس پی نوشہرو فیروز توں فوری رپورٹ طلب کر لئی اے تے آکھیا اے قاتلاں نوں فوری گرفتار کیتا جاوے۔