سرکار عوامی مسئلے حل کرن وچ نکام ہو گئی اے: مصطفی کمال

نوابشاہ: پاک سرزمین پارٹی دے سربراہ مصطفی کمال دا کنا اے موجودہ حکومت عوامی مسئلے حل کرن وچ نکام ہو گئی اے۔

نوابشاہ وچ گل کردیاں مصطفی کمال دا کنا سی سندھ وچ کتے دے وڈھن دی ویکسین دستیاب نہیں اے، اسیں ظالم تے ظلم دے ساہمنے کھڑے ہوئے تے لاشاں ڈگنیاں بن ہوئیاں۔

اوہناں دا کہنا سی کراچی امن بحال کران وچ فورسز دا وی کردار اے۔ فورسز آپریشن کر سکدی اے دل نہیں جت سکدی۔ سندھ دی تقسیم دا نعرہ لان والے اک گلی وی تقسیم نہیں کر سکدے۔

سندھ دی تقسیم دے نعرے نال پی پی تے ایم کیو ایم فائدہ چکدی اے۔ پاک سرزمین پارٹی دے سربراہ دا کہنا سی پی پی اپنے ووٹر توں کہندی اے جے سانوں ووٹ نہیں دتے تے سندھ تقسیم ہو جاوے گا۔

جے ساڈے تے کسے دا ہتھ ہوندا تے اسمبلیاں وچ ہوندے۔ مصطفی کمال دا ہور کہنا سی حکومت دے آخری دن چل رہے نیں فوری گھر جانا چاہیدا اے۔ پی ٹی آئی دے دل وچ پی پی تے ن لیگ لئی نفرت اے۔

ایم کیو ایم وچ پنج چھ گروپ بن چکے نیں۔

اپنا تبصرہ گھلو