آرٹیکل 6دے تحت مقدمہ ، جہنوں شوق اے پورا کر لوے: مولانا فضل الرحمان

ڈیرہ اسماعیل خان:ـ وزیراعظم عمران خان ولوں آرٹیکل 6دے تحت مقدمہ دائر کرن دے بعد ردعمل دیندیاں جمعیت علمائے اسلام (ف) دے امیر مولانا فضل الرحمان دا کہنا اے جہنوں میرے خلاف آرٹیکل 6دا مقدمہ دائر کرن دا شوق اے، خوشی نال پورا کر لوے۔

ڈیرہ اسماعیل خان وچ کنونشن نال خطاب کردیاں جے یو آئی (ف) دے امیر مولانا فضل الرحمان دا کہنا سی آرٹیکل 6دے تحت مقدمہ نہ بنان لئی کسے دی منت نہیں کراں گا جہنوں دائر کرن دا شوق اے، پورا کر لوے۔

اوہناں دا کہنا سی میرے خلاف غداری دا مقدمہ بناؤ فیر میں دساں گا کون آرٹیکل 6دا مرتکب اے؟ ملکی اداریاں دا احترام کرنے آں، پر رائے توں اختلاف رکھنے آں، ملکی سلامتی نوں نقصان اپڑان تے کدی چپ نہیں بیٹھاں گے۔

کنونشن نال خطاب وچ اوہناں دا کہنا سی آزادی مارچ دے مقاصد حاصل کر لئے ، کجھ دوستاں دی وجہ توں حکومت نوں ڈیگ نہیں سکے پر رٹ ضرور ختم کردتی۔ مولانا فضل الرحمان نے حکومت نہ ڈیگن دی وجہ نادان دوستاں نوں قرار دے دتا تے حکومت دی رٹ ختم کرن دا دعویٰ وی کیتا۔

اپنا تبصرہ گھلو