وزیراعظم نے بیورو کریسی دے نظام وچ انقلابی تبدیلیاں دی منظوری دے دتی

اسلام آباد: وزیراعظم نے پارٹی منشور وچ کیتا ہویا اک ہور وعدہ پورا کر دتا۔ وزیراعظم نے بیورو کریسی دے نظام وچ انقلابی تبدیلیاں دی منظوری دے دتی۔ 19توں 20گریڈ وچ ترقی لئی افسران نوں ہارڈ ایریاز (پسماندہ علاقیاں) وچ سروس لازمی کرنا ہووے گی۔

سول سرونٹس آف پاکستان دے قوانین وچ وڈی اصلاحات کر دتیاں گئیاں۔ سول سرونٹس دی ترقی ہن بہترین کارکردگی دی بنیاد تے ہووے گی۔

سول سرونٹس دا 20ورھیاں بعد کمپلسری ریویو ہووے گا۔

سینئر سیکرٹریز تے فیڈرل پبلک سروس دے چیئرمین تے مشتمل پرفارمنس ایویلیویشن بورڈ بنایا جاوے گا۔ سول سرونٹ دی نوکری برقرار رہ سکے گی یاں نہیں فیصلہ بورڈ کرے گا۔

بورڈ دے عدم اطمینان دی صورت وچ افسر نوں ریٹائرڈ کیتا جا سکے گا، اے سی آر وچ بہتر رینکنگ وی کارکردگی نال مشروط کر دتی گئی۔ 20تے 21گریڈ وچ ترقی لئی 20فیصد افسران اہل ہون گے۔

گریڈ 21وچ ترقی لئی صوبے توں باہر سروس کرنا ضروری ہووے گا۔ مرداں نوں پہلے 5ورھے عورتاں نوں 3ورھے دوجے صوبیاں وچ سروس کرنی ہووے گی جو سول سرونٹ اک صوبے وچ دس ورھیاں توں ودھ قیام کرے گا۔

اوہنوں ترقی نہیں ملے گی۔19توں 20گریڈ وچ ترقی لئی افسراں نوں ہارڈ ایریاز وچ سروس لازمی کرنی ہووے گی۔ ترقی دے امیدوار افسراں نوں اپنے اثاثیاں دا ڈکلیریشن جاری کرنا ہووے گی۔

پروموشن بورڈ توں 15دے مقابلے وچ 30نمبراں وچوں اطمینان بخش نمبر حاصل کرنے ہون گے۔

ایہناں قوانین تے ایسے ورھے یعنی 2020ء وچ عملدرآمد شروع ہو جاوے گا۔سول سروسز ایکٹ مجریہ 1973ء دے سیکشن 13دے تحت قوانین بنا دتے گئے نیں 20ورھے دی نوکری پوری کرن والے سرکاری ملازم لئی کارکردگی دا جائزہ لازمی کر دتا گیا اے۔