پی ٹی آئی دے سینئر رہنما نعیم الحق دی طبیعت وگڑ گئی

کراچی: پاکستان تحریک انصاف دے سینئر رہنما نعیم الحق دی طبیعت وگڑ گئی۔ نعیم الحق پچھلے کجھ دناں توں بیمار نیں، اوہناں نوں کینسر اے تے کافی عرصے توں علاج لئی ہسپتال وچ داخل نیں۔ وسیلیاں دے مطابق ہسپتال وچ داخل ہون والے پی ٹی آئی سینئر رہنما نعیم الحق دی طبیعت وگڑ گئی اے۔

نعیم الحق نوں کراچی دے آغا خان ہسپتال منتقل کیتا گیا اے۔ دوجے پاسے پاکستان تحریک انصاف دے ایم این اے آفتاب صدیقی تے ایم پی اے شہزاد قریشی نے نعیم الحق دی علالت تے تشویش دا اظہار کیتا اے۔

آفتاب صدیقی تے شہزاد قریشی دا کہنا اے قوم پی ٹی آئی رہنما نعیم الحق دی صحت کالمہ تے لمی عمر دی دعا کرے کیوں جے نعیم الحق وزیراعظم عمران خان دے بااعتماد ساتھی تے پارٹی دا اثاثہ نیں۔

اپنا تبصرہ گھلو