اورنج لائن تے بھاری سبسڈی دیئے یاں ہسپتال تے سکول چلایئے: وزیراعلیٰ پنجاب

لہور: وزیراعلیٰ پنجاب عثمان بزدار آکھیا اے اورنج لائن تے بھاری سبسڈی دیئے یاں ہسپتال و سکول چلایئے۔ وزیراعلیٰ پنجاب عثمان بزدار نے اورنج لائن ٹرین بارے ٹوئٹ کردیاں آکھیا اے اورنج لائن ٹرین دا قرض واپس کرن لئی ارباں روپے سالانہ دینے پین گے، جے 60روپے دا ٹکٹ وی رکھیے تے صرف ٹرین نوں چلان لئی 10ارب روپے سالانہ سبسڈی دینی پوے گی۔ عثمان بزدار نے سوال کیتا کیہ اسیں ایس رقم نال ہسپتال و سکول چلایئے یاں ایہ سبسڈی دیئے؟ کابینہ نے فیصلہ صوبائی اسمبلی گھلیا اے تاں عوامی نمائندیاں دا فیصلہ آوے۔

اورنج لائن پاکستان دی پہلی الیٹرک ٹرانسپورٹ میٹرو ٹرین اے جہدے آزمائشی سفر دا تجربہ کر لیا گیا اے۔ پاکستان تے چین وچکار مئی 2014وچ اورنج ٹرین بنان دا معاہدہ ہویا سی تے ایہ منصوبہ سی پیک وچ شامل اے۔ ٹرین ڈیرہ گوجراں جی ٹی روڈ توں علی ٹاؤن ٹھوکر نیاز بیگ تک 27کلومیٹر دا فیصلہ 27سٹیشناں تے رکدیاں 45منٹ وچ طے کرے گی۔ ایہدے وچ روزانہ دی بنیاد تے ساڑھے 3توں 4لکھ لوک سفر کرن گے۔ ایس منصوبے نوں دسمبر 2017وچ پورا ہونا سی پر چار ورھے اک مہینے دے عرصے وچ پورا ہویا تے ایہدے تے 264ارب روپے دی لاگت آئی۔