سرکار دا مستحقین نوں مویشی، رکشے تے ٹھیلے مفت دین دا فیصلہ

اسلام آباد: حکومت نے احساس اثاثہ جات پروگرام دے تحت مستحقین وچ فی خاندان 60ہزار روپے مالیت تک دے مویشی، رکشے تے ٹھیلے مفت دین دا فیصلہ کیتا اے۔ ایہدے تحت غریب ترین بندیاں نوں مقامی سطح تے روزگار فراہم کرن دا منصوبہ تیار کیتا گیا اے۔ احساس ‘اثاثہ جات سکیم’ دا باقاعدہ آغاز وزیراعظم 21فروری نوں جنوبی پنجاب توں کرن گے۔ ایس پروگرا م دے تحت احساس اثاثہ جات پروگرام دے تحت ابتدائی طور تے ملک دے 23ضلعیاں دی 375یونین کونسلاں وچ 15ارب روپے تقسیم ہون گے تے اک لکھ 76ہزار خاندان ایہدے توں مستفید ہون گے۔

پروگرام دے تحت فی خاندان 60ہزار روپے تک دیاں گاواں، بکریاں، رکشے تے ٹھیلے مفت دتے جان گے، ایہدے علاوہ اوہناں نوں ایس حوالے نال ضروری تربیت وی فراہم کیتی جاوے گی تاں جے ایہ اثاثے اوہناں لئی باعزت روزگار دا ذریعہ بنن۔ احساس پروگرام دی چیئرپرسن ڈاکٹر ثانیہ نشتر دا کہنا اے احساس اثاثہ جات پروگرام غریب ترین بندیاں لئی باعزت ذریعہ آمدن بنے گا، ابتدائی طور تے منصوبے وچ خیبر پختونخوا دے 10، پنجاب دے 3، سندھ دے 7تے بلوچستان دے 3ضلعے شامل نیں، ایہدے نال لکھاں بیروزگار بندیاں نوں روزگار میسر آوے گا۔ مستحقین دا تعین احساس پروگرام دے غربت سروے دے تحت کیتا جاوے گا۔