پی ٹی آئی فارن فنڈنگ کیس: اکبر ایس بابر نوں مبینہ دھمکیاں، الیکشن کمیشن دا نوٹس

اسلام آباد: الیکشن کمیشن نے پی ٹی آئی فارن فنڈنگ کیس دے محرک اکبر ایس بابر نوں مبینہ ڈران دھمکان دے معاملے دا نوٹس لے لیا۔ ای سی پی نے مبینہ دھمکیاں دے حوالے نال درخواست 27فروری لئی مقرر کر دتی۔ الیکشن کمیشن نے درخواست گزار اکبر ایس بابر نوں نوٹس وی جاری کر دتا۔

اکبر ایس بابر نے درخواست وچ موقف اپنایا کہ تحریک انصاف دی قیادت وکھو وکھ طریقیاں نال دباء پا رہی اے، الیکشن کمیشن ایکٹ دے سیکشن چار دے تحت ہراساں ہون تے دھمکیاں توں بچائے، الیکشن کمیشن پارٹی فنڈنگ کیس دی روزانہ دی بنیاد تے سماعت کرے تے چھیتی فیصلہ سناوے۔