ڈیرہ اسماعیل خان: پلس وین دے نیڑے بم دھماکا، اک اہلکار جاں بحق، 3زخمی

ڈی آئی خان: ڈیرہ اسماعیل خان کلاچی پلس وین دے نیڑے بم دھماکے وچ اک پلس اہلکار جاں بحق جد کہ 3زخمی ہو گئے۔ پلس تے سکیورٹی فورسز دی نفری موقع تے اپڑ گئی۔ ڈیرہ اسماعیل دی تحصیل کلاچی دے علاقہ مڈی دے نیڑے سڑک دے کنڈھے نصب بم دھماکہ اوس ویلے ہویا جدوں پلس وین لنگھ رہی سی، شہید اہلکار کانسٹیبل ریاض تے زخمیاں نوں فوری طور تے تحصیل ہیڈ کوارٹر ہسپتال منتقل کیتا گیا، ایہ واقعہ اوس ویلے رونما ہویا جدوں پلس اہلکار پولیو دی ڈیوٹی تے جا رہے سن، پلس تے سکیورٹی فورسز دا علاقے وچ سرچ آپریشن جاری اے۔