شاہد آفریدی نے کپتان شان مسعود نوں بھرپور سپورٹ کرن دا عزم ظاہر کر دتا

لہور: شاہد آفریدی نے پی ایس ایل وچ کپتان شان مسعود نوں بھرپور سپورٹ کرن دا عزم ظاہر کر دتا۔ قذافی سٹیڈیم وچ میڈیا نال گل کردیاں آل راؤنڈر نے آکھیا ملتان سلطانز دا کمی نیشن بہت چنگا تے ٹیم وچ کئی باصلاحیت کھڈاری موجود نیں، آس اے اسیں پی ایس ایل وچ چنگی کارکردگی دا مظاہرہ کراں گے۔

اوہناں آکھیا میں مینٹور ہون بارے نہیں سوچدا، بطور کھڈاری وی میری بہت ذمہ داری اے، کپتان شان مسعود تے کوچ نوں میرے توں توقعات نیں، میں بہترین کارکردگی وکھان دی کوشش تے شان نوں بھرپور سپورٹ کراں گا، اوہ چنگی فارم وچ وکھائی دے رہے نیں، آس اے بطور کپتان کامیاب رہواں گے۔ شاہد آفریدی آکھیا پی ایس ایل دی اہمیت نظر انداز نہیں کیتی جا سکدی، ایہدے نال پاکستان نوں مستقبل دے سٹارز میسر آئے نیں۔

اپنا تبصرہ گھلو