مسلم لیگ ن دا پارٹی نوں اجتماعی قیادت دے تحت چلان دا فیصلہ

لہور: مسلم لیگ ن دے مشاورتی اجلاس دی اندرلی کہانی ساہمنے آ گئی، پارٹی اجلاس وچ فیصلہ کیتا گیا اے مسلم لیگ ن دے صدر تے قومی اسمبلی وچ اپوزیشن لیڈر دی واپسی سابق وزیراعظم میاں نوازشریف دی صحت نوں ویکھدیاں ہووے گی۔ مسلم لیگ ن دا اہم اجلاس ہویا، اجلاس دے دوران فیصلہ کیتا گیا کہ پارٹی نوں اجتماعی قیادت دے تحت چلایا جاوے گا جد کہ پارلیمانی ایڈوائزری گروپ پارٹی دے پارلیمانی تے تنظیمی امور ویکھے گا۔ وسیلیاں دے مطابق مسلم ن دے سینئر رہنما راجہ ظفر الحق، رانا تنویر، احسن اقبال، مریم اورنگزیب تے ایاز صادق شامل نیں۔ سابق وزیراعظم میاں نوازشریف دی صحت مستحکم ہون تے قومی اسمبلی وچ اپوزیشن لیڈر تے مسلم لیگ ن دے صدر شہباز شریف واپس آن گے۔ ذرائع دے مطابق پارلیمانی ایڈوائزری گروپ فیصلے کرن دا مجاز ہووے گا، پارٹی قیادت نوں اگلے ورھے انتخابی ماحول بنان دی ہدایت کیتی گئی اے۔

اپنا تبصرہ گھلو