بھارتی فوجی بی جے پی دے کارندے بن چکے، فردوس عاشق

اسلام آباد(بیورو رپورٹ)معاون خصوصی برائے اطلاعات و نشریات فردوس عاشق اعوان نے آکھیا اے کہ بھارتی فوجی بی جے پی دے کارندے بن چکے نیں۔بھارتی ریٹائرڈ جنرل دی ٹی وی اتے کشمیری خواتین دے نال زیادتی دی حمایت دے گھٹیاں بیان دی شدید مذمت کرنے آں۔ سماجی رابطیاں دی ویب سائٹ ٹوئٹر اتے جاری اپنے اک بیان وچ اوہناں نے آکھیا اے کہ اخلاق توں عاری تے فسطائیت توں بھرپور ایہہ سوچ مودی دے نزی ازم دا ناقابل تردید ثبوت اے۔ عالمی برادری بھارتی فوج دے اینج دے ذہنی بیماراں تے انسانیت دے مجرماں دے خلاف سخت درعمل دا اظہار کرے۔معاون خصوصی داآکھنا سی کہ اینج دے بیانات قاتل تے غاصب مودی سرکار دے ایہناں دعوئواں دی کھلی تردید نیں کہ کشمیر وچ زندگی معمول اتے آگئی اے۔