اک نوں ریلیف دین تے صوبائی تعصب اجاگر ہووے گا، اعتزاز احسن

لہور (سٹی رپورٹر)پیپلز پارٹی دے سینئر رہنما اعتزاز احسن داآکھنا اے کہ اک نوں ریلیف دین تے صوبائی تعصب اجاگر ہووے گا، مینوں سندھ توں فون آرہے نیں کہ نوازشریف پنجابی اے تے ایس نوںبار بھیج رہے نیں اگر سندھی ہوندا تے نہ بھیجدے۔ لہور ہائیکورٹ وچ میڈیا دے نال گل بات کردیاں ہویاںاعتزاز احسن نے آکھیا کہ نواز شریف دے معاملے وچ ہائیکورٹ دے فیصلے نوں درست سمجھدا واں تاہم لہور ہائیکورٹ سپریم کورٹ دے فیصلیاں دا تابع اے۔اعتزاز احسن نے آکھیا اے کہ میاں صاحب دے بیٹے، سمدھی تے بھتیجا وی مفرور نیں، ہن میاں صاحب خود وی جارہے نیں تے مریم نوں کلیاں ای چھڈ چلے نیں۔اوہناں نے مزیدآکھیا اے کہ میں نوازشریف دا حمایتی نہیں واں۔ لہور ہائیکورٹ نے فیصلہ درست کیتا پر سارے میڈیا دا دھیان بیماری سی۔ اعتزاز احسن نے آکھیا کہ میرا لہجہ پی ٹی آئی والا نہیں اے، میرے جعلی ٹویٹ پیغام بنائے جارہے ہیںنیں ۔