کھڈاری آسٹریلیا وچ تریخ بنانا چاہندے نیں: مصباح الحق

برسبین: قومی کرکٹ ٹیم دے ہیڈ کوچ مصباح الحق دا کہنا اے نوجوان کھڈاریاں وچ اعتماد اے تے اوہ کجھ وکھرا کرکے آسٹریلیا وچ تریخ بنانا چاہندے نیں۔

ہیڈ کوچ تے چیف سلیکٹر مصباح الحق نے برسبین وچ قومی ٹیم دے ٹریننگ سیشن دے موقع تے اظہار خیال کردیاں آکھیا بیٹسمین بھانویں کوئی وی ہووے، بولراں نوں پلان دے مطابق بولنگ کرنی ہوندی اے تے تسلسل دے نال چنگی بولنگ کرکے ای بیٹسمیناں نوں دباء وچ لیایا جا سکدا اے۔ اوہناں آکھیا دباء پان لئی پلانز نیں، کوشش ہووے گی کہ بولر اجہی تھاں تے بولنگ کرن کہ بیٹسمیناں توں غلطیاں ہون۔

مصباح نے اسٹیو سمتھ نوں بیٹنگ جینئس قرار دیندیاں آکھیا سمتھ فارم وچ نیں پر ساڈے بولرز وی گینداں چنگیاں کر رہے نیں، میں سمجھنا آں سمتھ تے پاکستانی بولراں وچکار چنگا مقابلہ ہووے گا۔ہیڈ کوچ دا کہنا سی ٹی ٹونٹی سیریز ختم ہو چکی اے، ایہ ہن اک وکھرا فارمیٹ اے،ٹی ٹونٹی وچ اسیں چنگا نہیں کھیڈے پر میں سمجھنا آں کہ پریکٹس میچاں نال کھڈاریاں نوں اعتماد ملیا اے۔

اپنا تبصرہ گھلو