مشہور قوال امجد صابری ہوراں دی چوتھی برسی

کراچی : لکھاں دلاں تےراج کرن والے مشہور قوال امجد صابری نوں ساڈے توں وکھ ہویاں 4 سال ہوگئے،قوالی وچ پوری دُنیا اندر مشہور ہوون والے امجد صابری دی چوتھی برسی منائی جا رہی اے،اوہناں نوں دہشت گرداں نے فائرنگ کرکے شہید کیتا سی,1976ء نوں کراچی دے مشہور قوال نے قوالاں دے خاندان اندر اکھ کھولی ،ایہہ سمجھ لوو کہ اوہناں نوں قوالی وراثت وچ ملی سی،قوالی دی مڈھلی تربیت غلام فرید صابری تے عظمت صابری تو ں لئی،اوہناں نے اپنی پڑھائی مکمل کرن توں بعد قوالی اندر اپنا لوہا منوایا،جس دی مثال گھٹ ہی ملدی اے
امجد صابری نے بھارت ، نیپال ، امریکہ ، لندن سمیت 17توں ودھ ملکوں اندر اپنی فن دا مظاہرہ کیتا۔اپنے والد غلام صابری دے انتقال تو ں بعد امجد صابری اک نویں روپ اندر نظر آون لگ پئے،اوہناں نے باقاعدگی نال قوالی دی شروعات کر دتی،تے اپنے وڈیاں دے پڑھے ہوئے کلام نوں ہور چنگے انداز وچ پیش کر کے بہت زیادہ مشہور ہو گئے،امجد صابری دا شمار ملک دے وڈے وڈے قوالاں وچ ہندا سی,22 جون2016ء نوں لیاقت آباد کراچی وچ گھر توں کجھ دور دہشت گرداں نے گولیاں مار کے شہید کر دتا،قوالی دی تریخ امجد صابری دے ذکر توں بغیر ادھوری رہوے گی

اپنا تبصرہ گھلو