معروف عالم دین علامہ طالب جوہری نوں سپرد خاک کر دتا گیا

معروف شیعہ عالم دین علامہ طالب جوہری نوں نیو رضویہ دے مدرسے وچ سپرد خاک کر دتا گیا۔ علامہ صاحب دی نماز جنازہ امروہہ گراؤنڈ وچ ادا کیتی گئی جہنوں مولانا مصطفی وکیل نے پڑھائی۔ علامہ طالب جوہری کئی دناں توں کراچی دے نجی ہسپتال دے انتہائی نگہداشت دے یونٹ وچ زیر علاج سن جہناں دی طبیعت نہ سنبھل سکی تے اوہ خالق حقیقی نال جا ملے۔علامہ طالب جوہری 27اگست 1939نوں پیدا ہوئے۔ اوہناں دے والد مشہور عالم دین علامہ مصطفی خاں جوہر سن۔ علامہ طالب جوہری نوں کوئی ورھیاں توں پاکستانی علماء وچ مرکزی حیثیت حاصل سی۔ کراچی دے نشترپارک وچ شام غریباں دی مجلس توں اوہناں دی شہرت پاکستان تے پاکستان توں باہر دنیا بھر وچ پھیل گئی۔ ایس مجلس دے سامعین وچ مسلماناں دے سارے طبقہ ہائے فکر شامل سن۔علامہ طالب جوہری فن تقریر وچ صاحب اسلوب سن۔ اک دلنشیں مقرر ہون دے علاوہ وی علامہ طالب جوہری دی کئی جہتاں سن۔ اوہناں نے کئی کتاباں لکھیاں جہناں وچ قرآن دی تفسیر تے شاعری وی کیتی۔