دورۂ انگلینڈ لئی سکواڈ وچ شامل ہور 7کھڈاری کورونا دا شکار

لہور: دورہ انگلینڈ دے پاکستانی سکواڈ وچ شامل ہور 7کھڈاریاں وچ کورونا وائرس دی تصدیق ہو گئی۔ دورۂ انگلینڈ لئی نامزد ہون والے سکواڈ وچ شامل 7پاکستانی کرکٹرز دے کورونا ٹیسٹ مثبت آ گئے نیں، جہڑے کھڈاریاں وچ کورونا وائرس دی تصدیق ہوئی اے، ایہناں وچ فاسٹ بالر وہاب ریاض، حفیظ، وکٹ کیپر بلے باز محمد رضوان، فخر زمان، کاشف حسین، عمران خان تے مساجر ملنگ علی شامل نیں۔ دوجے پاسے عابد علی، اسد شفیق، اظہر علی، بابر اعظم تے فہیم اشرف دا کورونا ٹیسٹ منفی آیا اے۔ ایس توں پہلاں پاکستان کرکٹ بورڈ نے تن کرکٹرز، حیدر علی، حارث رؤف تے شاداب خان دے کورونا وائرس دے ٹیسٹ دے نتائج مثبت آن دی تصدیق کیتی سی تے ہن پاکستان کرکٹ ٹیم دے مجموعی طور تے 10کھڈاریاں وچ وائرس دی تصدیق ہو چکی اے۔