سوئیڈن :کورونا توں بچ جاون والامریض کروڑاں دا بل ویکھ کے بے حال

اسٹاک ہون : سوئیڈن دے 70سالہ مائیکل فلور اسپتال وچوں 2 مہینے توں بعد کورونا توں ٹھیک تے ہو گئے لیکن اسپتال دے بل نے اوہناں نوں بوہت پریشان کر دتا اے ،عالمی خبر رساں ادارے دے مطابق مائیکل فلور 70سال دی عمر اندر کورونا نوں شکست دیون اندر کامیاب ہو گئے نیں ،اوہناں دے پھیپھڑے دن بدن کمزور ہندے گئے تے خون اندر کلائنگ دے باعث 6ہفتے تک وینٹی لیٹر اُتے رہیے،اک موقع اُتے ڈاکٹر اں نے مایوسی دا اظہار کردیاں ہوئیاں اوہناں نے گھر والیاں نوں آکھیا کہ اینہاں دا آخری ٹائم آ گیا اے تے اینہاں دا دیدار کر لو،لیکن خوش قسمتی نال مائیکل دی حالت ٹھیک ہون لگ پئی تے اور کجھ دن بعد مکمل ٹھیک ہو گئے ،ڈاکٹراں نے اوہناں دا ٹھیک ہونا اک معجزہ قرار دتا اے ،لیکن مائیکل فلور نوں اوس ٹائم بوہت وڈا جھٹکا لگیا جد اوہناں دے گھراسپتال ولوں181صفحیاں دا 11لکھ 22ہزار تے503ڈالرز دا بل آ گیا ،جیہڑا پاکستانی روپئے اندر18کروڑ 72لکھ دی رقم بندی اے ،مائیکل فلور نے آکھیا کہ بل ویکھن توں بعد مینوں زندرہن دا افسوس اے