آمدن توں ودھ اثاثہ جات کیس، شہباز شریف دی عبوری ضمانت وچ 7جولائی تک وادھا

لہور: لہور ہائی کورٹ نے آمدن توں توں اثاثہ جات کیس وچ صدر ن لیگ شہباز شریف دی عبوری ضمانت وچ 7جولائی تک وادھا کر دتا اے۔ سماعت دے دوران اپوزیشن لیڈر شہباز شریف دے وکیل نے عدالت نوں آگاہ کیتا کہ اوہناں دے موکل ولوں حاضری معافی دی عرضی دتی گئی اے۔ شہباز شریف کینسر دے مریض نیں تے اوہناں دی ریکوری ہولی ہوندی اے۔ شہباز شریف کورونا دی وجہ توں آئیسولیشن وچ نیں۔ لہورہائیکورٹ نے 2جولائی نوں شہباز شریف نوں انسٹیٹیوٹ آف پبلک ہیلتھ توں کورونا ٹیسٹ کران دا حکم دے دتا جد کہ ضمانتی مچلکے جمع کران دی تریخ وچ وی 7جولائی تک وادھا کر دتا۔

اپنا تبصرہ گھلو