پیٹرول دی قیمت ودھن توں بعد سبزیاں ، پھل وی ودھ گئے

لہور: پیٹرول مگروں سبزی تے پھلاں دی قیمت وی آسما ن نال گل کرن لگ پئی،مرغی دے گوشت دی قیمت وی دو دن دے اندر13روپئے فی کلو ودھ گئی،دکانداراں نے آکھیا کہ گوشت مہنگا ہوون نال گاہک گھٹ گیا اے تے لوکاں دا رکاروبار وی ختم ہو گیا،سبزی تے پھل دی قیمت وی ودھن توں بعد چھوٹے بازاراں اندر وی گاہک گھٹ گیا،آلو دوئم پچھلے ہفتے دی نسبت 1روپئے ودھن توں بعد 68، ٹماٹر 15روپئے ودھن تو بعد45، لہسن15روپئے ودھن توں بعد155،سبز مرچ 10روپئے ودھن توں بعد 60,گھیا کدو8روپئے ودھن توں بعد 30، مٹر 10روپئے ودھن توں بعد 110، دیسی ٹینڈے 5روپئے ودھن توں بعد 52روپئے فی کلو تے ادرک295روپئے کلو فروخت رہیا اے ،پھل وی شہریاں دی پہنچ توں دور ہو گئے سیب250،خوبانی145،کیلا150،آلو بخارا150،آم150،آڑو200، انار350روپئے فروخت ہو رہیا اے۔؎