نویں مالی سال دا آغاز:خیبر پختوانخوا ندر 200چھوٹے کاروباراں اُتے ٹیکس ختم کر دتا گیا

پشاور : مالی سال2020-21دا آغاز ہون تے یکم جولائی تو فنانس بل 2020دا نفاذ کردتا گیا اے ،خیبر پختونخوا فنانس بل 2020 دے مطابق خیبرپختونخوا نے تقریباََ 200دے لگ بھگ چھوٹے کاروباراں اُتے ٹیکس ختم کر دتا ،جد کہ رجسٹریشن دا ذمہ دار بزنس دی بجائے محکمہ نوں قرار دتا اے،محکمہ ایکسائز اینڈ ٹیکسیشن دے تحت بوہت چھوٹے کاروباراں تے افراد اُتے مشتمل متعلقہ صوبائی ٹیکس نوں ختم کر دتا گیا ،جس نال ٹیکساں دا بوجھ ختم ہوئے گا، فنانس بل 2020دے مطابق صوبے دے سارے ہوٹلاں تے18توں ودھ پروفیشنلز ہر ہوٹل تے پروفیشنل ٹیکس دا خاتمہ کیتا گیا اے، ایس لئی اوہناں نوں اپنے اپنے کاروباراں نوں رجسٹرڈ کروانا پئے گا ، تمام طبی شعبیاں نال تعلق رکھن والے پرو فیشنلز تے سروسز اُتے ٹیکس جدکہ انٹر ٹینمنٹ ٹیکس وی ختم کردتا گیا،صوبے اندر ہن تک گڈیاں دی رجسٹریشن نوں ودھاون لئی دوبارہ رجسٹریشن بنا کسی فیس دے ہوئے گی،جد کہ صوبیاں توں این او سی لین دی شرط وی ختم کر دتی گئی ،شہری غیر منقولہ پراپرٹی ٹیکس دے لوکشین فیکٹر اندر کمی کیتی گئی اے ،تے ٹائم نال ٹیکس دیون والے ٹیکس دہندگان نوں 35فیصد مزید رعایت وی ملے گی ۔

اپنا تبصرہ گھلو