سرکار آصف زرداری نوں قتل کرنا چاہندی اے: بلاول بھٹو

لہور: پاکستان پیپلز پارٹی دے چیئرمین بلاول بھٹو نے سرکار اُتے الزام لایا کہ سرکار آصف زرداری نوں قتل کرنا چاہندی اے،بلاول بھٹو نے وزیر اعظم نوں چیلنج کر دیا ں ہوئیا آکھیاں کہ تبدیلی سرکار نے ہر بحران نوں تباہی وچ بدل دتا اے ،مافیا تحریک انصاف دے فرنٹ مین نیں ،پیٹرول بم سُٹ کے لوکاں دیاں جیباں اندر ڈاکہ ڈالیا اے، لہور اندر پریس کانفرنس کر دیاں اوہناں نے آکھیا کہ ،وزیر اعظم اسمبلی اندر ساڈے ساہمنے وی بول سکدے سن لیکن اوہناںوچ ساڈے ساہمنے تقریر کرن دی ہمت نہیں ، اگر اوہناں وچ ہمت ہے تے ساڈے ساہمنے آون تے مقابلہ کرن ،بلاول بھٹو نے آکھیا کہ پی ٹی آئی حکومت ٹھیک کرن دن بجائے دن بدن خراب کری جا رہیی اے ، غریب دا نام لے کہ امیراں توں فائدہ چُکیا جا رہیا اے ، مافیاز پی ٹی آئی حکومت دے فرنٹ مین نیں ،،تے پیٹرول دی قیمت ودھدن نال مہنگائی ہور ودھ گئی اے ،اوہناں آکھیا کہ پاکستان نو ایس ٹائم بوہت چیلنجاں دا ساہمنا اے ، حکومت کورونا نوں پھیلن تو نہیں روک سکی ملک اندر کورونا پاروں موتاں گھٹ نہیں ہوئیاں ایہ سفید جھوٹ اے،جد کہ ٹائم نال ایکشن لیتا جاندا تے ٹڈی دل توں وی بچ سکدے ساں ،اوہناں سٹاک ایکسینج حملے دے شہیداں نوں خراج تحسین پیش کیتا تے آکھیا کہ پولیس جواناں نے بروقت ایکشن لے کہ کئی جاناں بچائیاں نیں ،سندھ حکومت نے شہیداں لئی معاوضے دا اعلان کیتا اے

اپنا تبصرہ گھلو