بھارتی فوج دی ایل او سی تے اشتعال انگیزیاں، فائرنگ نال نوجوان شہید

راولپنڈی: بھارتی فوج دی ہٹ دھرمی برقرار اے، کنٹرول لائن تے اک وار فیر شہری آبادی نوں نشانہ بنایا، بھارتی فوج دی گولہ باری نال نوجوان شہید ہو گیا۔ پاک فوج دے منہ توڑ جواب تے دشمن دیاں بندوقاں چپ ہو گئیاں۔ آئی ایس پی آر دے مطابق بھارتی فوج نے لائن آف کنٹرول دے لیپہ سیکٹر وچ جان بجھ کے سول آبادی نوں بھاری ہتھیاراں نال نشانہ بنایا۔ بھارتی اشتعال انگیزی دے نتیجے وچ تلواری پنڈ دا اک بچہ جام شہادت نوش کر گیا۔ پاک فوج نے موثر جوابی کاروائی کردیاں بھارتی چیک پوسٹاں نوں نشانہ بنایا جہدے نال دشمن دیاں بندوقاں چپ ہو گئیاں۔ بھارت ولوں ایس ورھے ایل او سی تے ہن تک 1546واری جنگ بندی معاہدے دی خلاف ورزیاں کیتی گئیاں نیں۔ ایس دوران 14بندے شہید جد کہ 114زخمی ہوئے۔

اپنا تبصرہ گھلو