ورلڈ بینک نے پاکستان لئی 50کروڑ ڈالر قرض منظور کر لیا

اسلام آباد/کراچی: ورلڈ بینک نے پاکستان لئی 50کروڑ ڈالر دے قرض دی منظوری دے دتی۔ عالمی ادارے دے پاکستان وچ واقع دفتر توں جاری کیتے ہینڈ آؤٹ دے مطابق ورلڈ بینک دے بورڈ آف ایگزیکٹو ڈائریکٹرز نے رائز (RISE) پروگرام دے تحت مالیاتی انتظام کاری دے استحکام، شفافیت دے فروغ تے نجی شعبے دی نمو لئی 50کروڑ ڈالر دا قرض منظور کیتا اے۔ قرض دی فراہمی نوں ’لو کاربن انرجی‘ دے حصول لئی شعبہ توانائی وچ بنیادی اصلاحات نال وی مشروط کیتا گیا اے۔ ورلڈ بینک دے مطابق کووڈ 19دے اثرات توں بحالی لئی مالیاتی لچک پیدا کرن دے ضمن وچ ایہ اصلاحات بے حد اہم نیں۔ ورلڈ بینک ولوں ایس قرض دی منظوری دے بعد پاکستان نوں جون وچ ملن والے، منظور ہون والے قرض دا حجم 3.53ارب ڈالر ہو گیا اے۔ پچھلے دیہاڑ اسٹیٹ بینک نوں چائنہ ڈویلپمنٹ بینک توں اک ارب ڈالر تے بینک آف چائنا توں 30کروڑ ڈالر وی موصول ہو گئے۔

اپنا تبصرہ گھلو