کورونا ہور 78زندگیاں کھا گیا، وائرس نال 2لکھ 17ہزار 809شہری متاثر

لہور:پاکستان وچ کورونا دے تصدیق شدہ کیساںدی تعداد 2 لکھ 17 ہزار 809 تک اپڑ گئی جد کہ اک دن وچ 78 بندے جاں بحق ہوگئے جہدے بعد موتاں دی تعداد 4 ہزار 473 ہوگئی۔نیشنل کمانڈ اینڈ آپریشن سینٹر دے تازہ ترین اعدادوشمار دے مطابق پچھلے24 گھنٹیاں دے دوران 4 ہزار 339 نویں کیسز رپورٹ ہوئے، پنجاب وچ 77 ہزار 740، سندھ وچ 86 ہزار 795، خیبر پختونخوا وچ 26 ہزار 938، بلوچستان وچ10 ہزار 608، گلگت بلتستان وچ اک ہزار 511، اسلام آباد وچ 13 ہزار 82 جد کہآزاد کشمیر وچ اک ہزار 135 کیسز رپورٹ ہوئے۔ملک بھر وچ ہن تک 13 لکھ 27 ہزار 638 بندیاں دے ٹیسٹ کیتیگئے، پچھلے24 گھنٹیاں دے دوران 22 ہزار 128 نویںٹیسٹ کیتیگئے، ہن تک اک لکھ 4 ہزار 694 مریض صحت یاب ہوچکے نیں جد کہ2 ہزار 723 مریضاں دی حالت تشویشناک اے۔پاکستان وچ کورونا توں اک دن وچ 78 بندے جاں بحق ہوگئے جہدے بعد وائرس نال مرن والیاں دی تعداد 4 ہزار 473 ہوگئی۔ پنجاب وچ اک ہزار 784، سندھ وچ اک ہزار 406، خیبر پختونخوا وچ 973، اسلام آباد وچ 129، بلوچستان وچ 121، گلگت بلتستان وچ 28 تے آزاد کشمیر وچ 32 مریض جان توں ہتھ دھو بیٹھے۔