ویڈیو سکینڈل وچ ملوث جج ارشد ملک نوں عہدے توں برطرف کر دتا گیا

لہور: لہور ہائی کورٹ نے ویڈیو سکینڈل وچ ملوث جج ارشد ملک نوں عہدے توں برطرف کر دتا۔ چیف جسٹس لہور ہائی کورٹ قاسم خان دی سربراہی وچ انتظامی کمیٹی نے ارشد ملک نوں برطرف کرن دا فیصلہ سنایا، لہور ہائی کورٹ نے بطور انکوائری افسر جج ارشد ملک نوں قصور وار قرار دتا سی۔ ارشد ملک احتساب عدالت لہور وچ بطور جج تعینات سن، اوہناں نے ایف آئی اے سائبر کرائم نوں (ن) لیگی حامیاں ولوں بلیک میل کرن بارے عرضی دتی سی جہدے وچ آکھیا گیا سی اوہناں دی اک غیر اخلاقی ویڈیو دی وجہ توں ایہناں تے نوازشریف دی سزا بارے سودے بازی لئی دباء پایا گیا۔ واضح رہوے جج ارشد ملک نے سابق وزیراعظم نوازشریف نوں العزیزیہ سٹیل ملز دے مقدمے وچ 7ورھے دی قید سنائی سی جد کہ فلیگ شپ ریفرنس وچ اوہناں نوں بری کر دتا سی۔