کراچی سنے سندھ وچ کورونا دی صورتحال بہتر نہیں: وفاقی وزیر اسد عمر

اسلام آباد: اسد عمر آکھیا اے کراچی سنے سندھ وچ کورونا دی صورتحال بہتر نہیں، سمارٹ لاک ڈاؤن توں مریضاں دی تعداد وچ کمی ہوئی، ایس او پیز تے عمل درآمد توں وباء دا کھلار گھٹ ہووے گا۔ وفاقی وزیر اسد عمر نے میڈیا نوں بریفنگ دیندیاں آکھیا ایس او پیز تے عمل درآمد بارے ہر ہفتے جائزہ لیا جاندا اے، ایس او پیز تے عملدرآمد لئی صوبیاں نے وڈے پیمانے تے کاروائیاں کیتیاں، صوبیاں نوں 20ہاٹ سپاٹ ایریاز دی نشاندہی کرکے دسیا سی۔ اوہناں آکھیا اجہے ملکاں وچ وی نیں جتھے وباء وچ کمی دے بعد دوبارہ وادھا ہویا، امریکا وچ وباء گھٹ ہون دے بعد دوبارہ تیزی نال پھیلی، بے احتیاطی ورتی گئی تے کورونا وائرس دے کھلار وچ وادھا ہو سکدا اے۔ اسد عمر دا کہنا سی وینٹی لیٹر تے جون دے وسط دی نسبت مریض گھٹ نیں، تسیں عملدرآمد بہتر بنایا جہدے نال وباء دا کھلار گھٹ ہویا، ایس او پیز تے عملدرآمد توں کورونا دے کھلار وچ کمی آئی اے۔ حفاظتی تدابیر اپنائی تے جولائی دے آخر تک تعداد 4لکھ توں وی گھٹ ہووے گی۔