اپوزیشن لیڈر شہباز شریف دا ارشد ملک دی برطرفی دے فیصلے تے اظہار تشکر

لہور: صدر مسلم لیگ (ن) شہباز شریف نے ارشد ملک دی برطرفی دے فیصلے تے اظہار تشکر کیتا۔ اوہناں آکھیا ثابت ہو گیا کہ جج نے انصاف دے منافی فیصلہ دتا۔ اپوزیشن لیڈر قومی اسمبلی شہباز شریف نے اپنے بیان وچ آکھیا اے اللہ تعالیٰ نے ملک دی مخلصاہ خدمت کرن والے نوازشریف دی بے گناہی نوں ثابت کر دتا، ملک دے تن وار دے منتخب وزیراعظم نوں ناحق سزا دتی گئی، سچائی ساہمنے آن تے انصاف دا تقاضا اے کہ نوازشریف دے خلاف سزا نوں ختم کیتا جائے۔ شہباز شریف نے ہور آکھیا لہور ہائی کورٹ دی انتظامی کمیٹی دا فیصلہ دراصل نوازشریف دی بے گناہی دا ثبوت اے، پارٹی کارکناں تے عوام توں اپیل اے کہ نوازشریف دی بے گناہی ثا بت ہون تے نوافل ادا کرن۔