کورونا دے قومی چیلنج دے باوجود اپوزیشن نے سیاست چمکان دی کوشش کیتی: عثمان بزدار

لہور: وزیراعلیٰ پنجاب عثمان بزدار دا کہنا اے کورونا دے قومی چیلنج دے باوجود اپوزیشن نے سیاست چمکان دی کوشش کیتی، اجہے ویلے وچ قوم نوں تقسیم کرنا قابل مذمت اے۔ وزیراعلیٰ عثمان بزدار نال چیئرمین فوڈ اتھارٹی عمر تنویر بٹ نے ملاقات کیتی تے چیف منسٹر فنڈ برائے کورونا کنٹرول لئی امداد دا چیک دتا۔ اس موقع تے وزیراعلیٰ پنجاب دا کہنا سی وباء دی وجہ توں کمزور طبقہ سب توں ودھ متاثر ہویا، متاثرہ بھین بھراواں دی مدد ساڈی اخلاقی تے مذہبی ذمہ داری اے، رقم دیانتداری دے نال مستحق لوکاں تک اپڑاواں گے۔عثمان بزدار دا کہنا سی پاکستانی قوم آزمائش وچ ہمیشہ سرخرو رہی اے، فنڈ وچ عطیہ کیتی جان والی پائی پائی دے امین آں، متاثرہ بھین بھراواں دے نال کھڑے آں۔