ایس او پیز تے عمل کرن نال اسپتال جلد خالی ہوون گے : شبلی فراز

اسلام آباد: وفاقی وزیر اطلاعات شبلی فراز ہوراں آکھیا کہ کورونا وائرس توں بچن لئی احتیاطی تدبیراں اُتے عمل کرن نال اسپتال جلدی خالی ہوجاون گے،وفاقی وزیر اطلاعات شبلی فراز نے ہیلتھ ورکراںنوں خراج تحسین پیش کرن لئی اسلام آباد اندر پولی کلینک دورہ کیتا تے لیڈی ہیلتھ ورکراں نوں گلدستے پیش کیتے،تقریب نال خطاب کردیاں اوہناں آکھیا کہ وزیر اعظم عمران خان نے کورونا دے پھیلاؤ نوں روکن لئی اسمارٹ لاک ڈاؤن دی حکمت عملی اپنائی جس نال کورونا دے مریضاں وچ کمی آئی ،عمران خان دی اسمارٹ لاک ڈاؤن دی پالیسی نوں دُنیا نے وی اپنایا، اسی اکٹھ ہو کے ایس وبا ء دا مقابلہ کر سکدے آں ، جد کہ بے یقینی ، افواہواں پھیلاون والے بیانات توں گریز کرنا ہوئے گا ،وفاقی وزیر اطلاعات شبلی فراز نے ایس او پیز تے عملی کرن نال عوام دا بوہت شکریہ ادا کیتا جس نال بیماری اُتے کافی کنٹرول ہو گیا اے ،لیکن اجے بیماری پوری طرح ختم نئیں ہوئی خطرہ اجے موجود اے ،وفاقی وزیر اطلاعات شبلی فراز نے آکھیا کہ کورونا سے دوران احساس پروگرام دے ذریعے مستحق لوکاں تک امداد پہنچائی گئی ، اک سو پچاس ارب روپئے میرٹ اُتے اک کروڑ خانداں نوں نقسیم کیتے گئے،،وفاقی وزیر اطلاعات شبلی فراز نے آکھیا کہ حکومت نے سیاسی پوائٹ اسکورنگ نہیں کیتی بلکہ سنجیدہ اقدامات کیتے تے وبا ء کنٹرول کرن وچ کامیاب رہی،حکومتی کوششاں نال کورونا ٹیسٹنگ دی صلاحیت نوں ودھایا گیا ، اگر اسی ہور زیادہ احتیاط کرنی شروع کر دتی تے انشاء للہ ساڈے کھیڈاں دے میدان وی آباد ہو جاون گے ،وفاقی وزیر اطلاعات شبلی فراز نے مزید آکھیا کہ نیشنل کمانڈ اینڈ آپریشن دے قیام نوں 100دن مکمل ہو گئے ، این سی او سی نے وباء نوں جس طرح موثر انداز نال کنٹرول کیتا اوہ قابل تحسین اے ، ایس وبا ء نوں پھیلاو ن توں روکن لئی دن رات کم کیتا۔

اپنا تبصرہ گھلو