چیئرپرسن ایف بی آر نوشین امجد دی چھٹی

اسلا م آ باد: فاقی حکومت نے فیڈرل بورڈ آف ریونیو ( ایف بی آر) دی چیئر پرسن نوشین امجد نوں عہدے توں ہٹاکے محمد جاوید غنی نوں چیئرمین تعینات کر دتارپورٹ دے مطابق وفاقی کابینہ نے پاکستان کسٹمز دے گریڈ 22 دے ممبر پالیسی جاوید غنی نوں تین ماہ لئی چیئرمین ایف بی آر تعینات کرن دی منظوری دے دتی،کابینہ نے سرکولیشن سمری دےذریعے چیئرمین ایف بی آر تعیناتی دی منظوری دتی،محمد جاویدغنی ایف بی آر بورڈ دے ممبر کسٹم پالیسی سن تے اوہ ریگو لر چیئرمین ایف بی آر دی تعیناتی تک فرائض سر انجام دیون گے،نوشین جاوید امجد نوں چیئرمین ایف بی آر دے عہدے توں ہٹا کہ سیکرٹری نیشنل پیری ٹیج اینڈ کلچر ڈویژن تعینات کتیا گیا اے،نوے چیئرمین ایف بی آر لئی موجودہ ممبران لینڈریونیو آپریشن ڈاکٹر اشفاق احمد تے وزارت خزانہ دے ایڈیشنل سیکرٹری خزانہ احمد مجتبیٰ میمن دے نام زیر غور نیں
تے گریڈ22دی افسر نوشین جاوید امجد نوں شبر زیدی دی جگہ چیئر پرسن ایف بی آر تعینات کیتا گیا سی ،ایس توں پہلاں شبر زیدی نے طبی بنیاداںدے عہدے اُتے کم جاری رکھن دی معذرت کیتی سی،شبر زیدی نے آکھیا کہ اوہ بیمار سن تے ڈاکٹر نے اوہناں نوں آرام کرن دا مشورہ دتا اے جس دی وجہ نال اوہ کم جاری نئیں رکھ سکے،نوشین امجد دی تعیناتی دے وقت وی نوے چیئرمین ایف بی آر لئی محمد جاوید غنی دا نام زیر غور آیا سی ۔

اپنا تبصرہ گھلو