عمران خان پی آئی اے وچ وڈیاں تبد یلیاں لیا رہے نے: ناز شاہ کازلفی بخاری

لندن: برطانوی رکن پارلیمنٹ ناز شاہ نے ویزر اعظم عمران خان دے معاون خصوصی زلفی شاہ بخاری نال رابطہ کیتا اے تے پی آئی اے اندر جاری اصلاحات تے تازہ صورتحال اُتے گل بات کیتی،سماجی رابطے دی ویب سائٹ اندر برطانوی رکن پارلیمنٹ ناز شاہ نے آکھیا کہ خوشی اے کہ وزیر اعظم عمران خان پی آئی اے دے معاملے اُتے فرنٹ فٹ اُتے نے۔ اوہناں دی قیادت اندر اداراہ وچ واضح تبدیلیاں کیتی جا رہی اے۔اوہناں نے آکھیا کہ ناقص کارکردگی اُتے سمجھوتہ کرن دی بجائے ایوی ایشن تے مسافراں لئی ” سیفٹی فرسٹ” نوں اپنایا جا رہیا اے،ایس موقع تے وزیر اعظم عمران خان دے معاون خصوصی برائے اوور سیز پاکستانی زلفی بخاری نے آکھیا کہ پاکستان دے بارے اندر مثبت سوچ اپنان اُتے شکر گراز واں ،سماجی رابطے دی ویب سائٹ اُتے اوہناں نے آکھیا کہ وزیر اعظم دباؤ دی پروا کیتے بنا پی آئی اے دے معاملے نوں خود ویکھ رہئے نیں،زلفی بخاری نے مزید آکھیا کہ وزیر اعظم صرف ایوی ایشن دے تحفظ نوں یقینی بنانا چاہندے نے ،کسی ذمہ دار لیڈر دی طرح مسافراں دی حفاظت وزیر اعظم دی اولین ترجیح اے