کشمیر دی حیثیت وچ کوئی وی تبدیلی غیر قانونی اے : چین

بیجنگ( بھلیکھا ٹی وی ) چین نے آکھیا کہ کشمیر دی صورتحال دا باریکی نال جائزہ لے رہے آں، ایس تنازع وچ کوئی وی یک طرفہ اقدام یا کشمیر دے تشخص وچ تبدیلی غیر قانونی اے ۔
اک پریس کانفرنس دے دوران چینی دفتر خارجہ دے ترجمان وانگ و ینبن نے آکھیا کہ کشمیر اُتے پوزیشن مستقل تے واضح اے ، مسئلہ کشمیر اک تریخی تصفیہ طلب مسئلہ اے جس دا حل اقوام متحدہ چارٹر ، سلامتی کونسل ، پاک بھارت دو طرفہ معاہدات وچ اے ۔ترجمان نے ہور آکھیا کہ پاکستان تے ہندوستان ہمسائے نیں ، اک دوسرے توں دور نہیں جا سکدے ، اُمید اے کہ دوناں ملک مذکرات دے ذریعے اپنے اختلافات ختم کر کے بہتر تعلقات تے علاقائی ترقی لئی کم کرن گے ۔