سیشن جج لہور سنے 9سیشن ججاں دے تبادلے

سیشن جج لہور سنے 9سیشن ججاں دے تبادلیاں دا نوٹیفکیشن جاری کر دتا گیا۔ نوٹیفکیشن چیف جسٹس لہور ہائی کورٹ قاسم خان دی منظوری توں جاری کیتا گیا اے۔ نوٹیفکیشن دے مطابق ڈسٹرکٹ اینڈ سیشن جج لہور قیصر نذیر بٹ نوں سیشن جج ساہیوال، سیشن جج ننکانہ صاحب اعظم سرویا سیشن جج لہور، سیشن جج ہیومن ریسورس ڈسٹرکٹ جوڈیشری سردار طاہر صابر سیشن جج سرگودھا تے جاوید الحسن چشتی نوں سیشن جج ہیومن ریسورس ڈسٹرکٹ جوڈیشری تعینات کیتا گیااے۔اعلامیے دے مطابق سیشن جج منظر علی گل دی بطور سیشن جج ننکانہ صاحب، سیشن جج سہیل اکرام بطور سینئر ایڈیشنل رجسٹرار لہور ہائی کورٹ راولپنڈی بینچ جد کہ سینئر ایڈیشنل رجسٹرار لہور ہائی کورٹ راولپنڈی بینچ اورنگزیب دی بطور سیشن جج چکوال تعیناتی کیتی گئی اے۔ایہدے علاوہ سیشن جج پاکپتن تنویر احمد شیخ نوں لاہور ہائی کورٹ رپورٹ کرن دی ہدایت کیتی گئی اے جد کہ رائے ایوب خان نوں سرگودھا توں پاکپتن ٹرانسفر کردتا گیا اے۔

اپنا تبصرہ گھلو