امریکہ وچ ٹک ٹاک تے وی چیٹ نال کاروباری لین دین اُتے وی پابندی

واشنگٹن ( بھلیکھا ٹی وی ) امریکی صدر ڈونلڈ ٹرمپ نے اک حکم نامے دے ذریعے سارے ملک اندر ٹک ٹاک تے وی چیٹ دی مالک چینی کمپنیاں دے نال کاروباری لین دین اُتے پابندی لا دتی ۔
عالمی خبر رساں ادارے دے مطابق امریکی صدر ڈونلڈ ٹرمپ نے سماجی رابطے دے ویب سائٹ ٹک ٹاک دی کمپنی بائٹ ڈانس تے وی چیٹ دی کمپنی ٹنسنٹ دے نال امریکی کمپنیاں نوں کارباری لین دین 45دناں اندر ختم کرن دا حکم جاری کر دتا جس توں بعد لین دین اُتے مکمل پابندی ہوئے گی ۔ صدر ٹرمپ دے دستخط کر دہ حکم نامے وچ ایہ لکھیا گیا اے کہ امریکہ دی قومی سلامتی دے پیش نظر ٹک ٹاک دے مالکان دے خلاف جارحانہ کارروائی کرنا پئے گی ، امریکی صدر ان چینی ایپس اُتے امریکی صارفین تے اہم شخصیات دا ڈیٹا جاسوسی دی نیت نال چین نوں فراہم کرن دا الزام لا رہئے نیں ۔