ائیر چیف دا آپریشنل ایئر بیس دا دورہ ، جے ایف 17طیارے دے مشن وچ حصہ لیا

لہور ( بھلیکھا ٹی وی ) ایئر چیف مارشل مجاہد انور خان نے اک آپریشنل ایئر بیس دا دورہ کیتا ،جس دے دوران جے ایف 17بی طیارے دے آپریشنل ٹر یننگ مشن وچ حصہ لیا۔سربراہ پاک فضائیہ ایئر چیف مارشل مجاہد انور خان نے ملک وچ تیار ہوون والے سیٹ لڑاکا طیارے دی آپریشنل صلاحیتاںدا جائزہ لیا ، اوہناں نے آکھیا کہ جے ایف17ڈوئل سیٹ ، بلاک تھری دی شمولیت پاک فضائیہ دی جدید یت برقرار رکھن وچ معاون ثابت ہوئے گی ، پاک فضائیہ دا ہر فرد ساڈے لئی بہادر سپوتاں دی وراثت دا امین اے ۔ایئر چیف نے آکھیا کہ بہادر سپوتاں دے واثاں نوں پچھلے سال آپریشن سوئفٹ ریٹورٹ وچ شاندار پیشہ وارانہ اہلیت دا مظاہرہ کیتا ، پاک فضائیہ دشمن ولوں اسلحے دے ذخائر اکھٹے کرن نال جدی مرعوب نہیں ہوئے گی، اوہناں نے ہور آکھیا کہ پاک فضائیہ ، بری تے بحری فوج دے شانہ بشانہ مادر وطن دے تحفظ تے ملکی خود مختاری نوں در پیش کسی وی خطرے نال نمٹن لئی ہر وقت تیار نیں ۔

اپنا تبصرہ گھلو