پتھر لے جاون دا الزام : مرزا جاوید دی ایوب بھٹہ دے خلاف پارٹی نوں شکایت

لہور ( بھلیکھا ٹی وی ) گڈی وچ پتھر لے کہ نیب آفس جاون دا الزام لاون اُتے ایم پی اے مرزا جاوید نے ن لیگی کارکن ایوب بھٹہ دے خلاف پارٹی نوں شکایت کر دتی ۔مسلم لیگ ن لہور دے جنرل سیکرٹری خواجہ عمران نذیر نے آکھیا زبانی شکایت موصول ہوئی تحریری درخواست دا انتظار اے ،تحریری درخواست موصول ہوون دے بعد انضباطی کمیٹی معاملات ویکھے گی ۔خواجہ عمران نذیر نے آکھیا کہ مرزا جاوید دے مطابق ایوب بھٹہ دا کردارمشکوک اے تاہم ایس گل دا وی پتہ لایا جائے گا ۔ کدھرے حکومت ولوں ایس نوں کوئی لالچ یا دھمکی تے نہیں دتی گئی ، کمیٹی مکمل تحقیقات دے بعد فیصلہ پارٹی قیادت نوں گھلے گی ۔