وزیر اعظم عمران خان نے احساس نشوونما پروگرام دا باقاعدہ اجرا کر دتا

خیبر ( بھلیکھا ٹی وی ) وزیر اعظم عمران خان نے احساس نشوونما پروگرام دا باقاعدہ اجرا کر دتا ۔ معاون خصوصی ثانیہ نشتر نے وزیر اعظم عمران خان نوں احساس نشوونما پروگرام اُتے بریفنگ دتی ، گورنر شاہ فرمان ۔وزیر اعلیٰ محمود خان ، وفاقی وزیر نور الحق قادری وی عمران خان د ے نال سن۔ احساس نشوونما ملکی تریخ وچ سٹنٹنگ دی روک تھام لئی پہلا حکومتی پروگرام اے ،3سالہ نشوونما پروگرام دا بجٹ 8ارب52کروڑ روپیے نیں ، مستحقین نوں صحت بخش غذا لئی فراہمی دے نال سہ ماہی نشوونما وظیفہ وی دتا جائے گا ، بچیاں لئی2ہزارروپیے جد کہ منڈیاں لئی1500روپیے سہ ماہی وظیفہ ہوئے گا ، نشوونما پروگرام دے پہلے مرحلے وچ9ضلعیاں وچ33نشوونما مراکز قائم کیتے جا رہے نیں ، اینہاں ضلعیاں وچ خیبر ۔ اپر دیر ، باغ ، غذر ، ہنزہ ، خارمنگ ، خاران ، بدین تے راجن پور شامل نیں۔