سونے تے ہیرے دی مشکوک خریداری دی تحقیقات کرن دا فیصلہ

اسلام آباد ( بھلیکھا ٹی وی )ملک وچ سونے تے ہیرے دی خریداری کر کے کالا دھن کھپانے دی سخت مانیٹرنگ 7قسماں دی ٹرانزیکشز نوں تحقیقاتی اداریاں دے سپرد کرن دا فیصلہ کر دتا گیا ۔فنانشنل مانیٹرنگ یونٹ نے ایس ضمن وچ ایڈانڈ یکیٹرز دا تعین کر کے سونے تے ہیرے دے وڈے بیوپاریاںنوں گھل دتا گیا ، بیوپاریاں نوں مشکوک خریداری دی اطلاع فنانشنل مانیٹر نگ یونٹ نوں لازمی قرار دتا گیا۔ کسی تیجے بندے دے ذریعے سونے تے چاندی دی خریداری وی مشکوک تصور کیتی جائے گی ، ایسی خریداری جس دی ادائیگی آن لائن کیتی گئی ہوئے تے ایس دی ڈلیوری کسی تیجے بندے نوں کیتی گئی ہووئے ۔ ایسی ٹرانزیکشنز نوں وی تحقیقات لئی منتخب کیتا جائے گا ۔اعلیٰ سیاسی رہنما ، بیورو کریٹس تے اوہناں دے قریبی عزیز واقارب ولوں سونے تے ہیرے دی خریداری تے غلط شناختی دستاویزات پیش کرکے کیتی جاون والی خریداری وی مشکوک سمجھی جائے گی ۔