بھارت کشمیریاں اُتے ظلم کر رہیا اے : گورنر خیبر پختونخوا

پشاور( بھلیکھا ٹی وی ) خیبر پختونخوا دے گورنر شاہ فرمان نے آکھیا کہ آزادی اک نعمت اے ایس دی قدر کرنی چاہیدی اے ، بھارت وچ اقلیت نوں حقوق نہیں دتے جا رہے ، کشمیر وچ ظلم جاری اے ۔گورنر شاہ فرمان نے پشاور وچ چائنہ ونڈو سنٹردا دورہ کیتا تے یوم آزادی دی تقریب وچ شرکت کیتی ، گورنر نے آکھیا کہ پاکستان بناون دا فیصلہ درست سی ، کجھ لوکاں نے ہندوستان دی وی گل کیتی سی ۔پاکستان بناون دی مخالفت کیتی سی تے اجے تک کر رہے نیں ، قائد مسلمانوں لئی لڑدے رہیے ، ہندو مسلمانوں نوں حقوق دیون لئی تیار نہیں سن ۔گورنر نے آکھیا کہ بھارت کشمیریاں اُتے ظلم کر رہیا اے ، آزادی اک نعمت اے ایس دی قدر کرنی چاہیدی اے ، عوام آزادی دا دن جوش و خروش نال مناون ، گورنر نے تقریب وچ یوم آزادی دا کیک وی کٹیا۔