بی آر ٹی پروجیکٹ اُتے بد گمانی پھیلاون دی کوشش کیتی گئی : شہباز گل

پشاور( بھلیکھا ٹی وی ) شہباز گل نے آکھیا کہ بی آر ٹی پروجیکٹ اُتے بد گمانی پھیلاون دی کوشش کیتی گئی ، تحریک انصاف دے منصوبہ اُتے مخالفین نوں اپنا دھندا بند ہوون دی فکر پہ گئی ۔معاون خصوصی شہباز گل نے میڈیا نال گل بات کردیاں آکھیا کہ بوہت لوکاں نوں پشاور دے خدوخال دا نہیں پتا ، بی آر ٹی دا لہور ، ملتان تے اسلام آباد میٹرو نال موازنہ کیتا گیا ،ن لیگ نے سریا، سیمنٹ وی اپنا ویچیا ۔اوہنا ں آکھیا کہ پشاور میٹر وچ 3پارکنگ پلازہ بنائے گئے نیں ، لہور میٹرو دیاں بساں کرائے دیاں تے بی آر ٹی دیاں اپنیاں نیں ۔شہباز گل نے آکھیا کہ بی آر ٹی سسٹم وچ 3 پلازے نیں جس وچ300دکاناں ہوون گیاں ، پشاور بی آر ٹی بنن نال وی ٹریفک گھٹے گی ، ن لیگ دی ترجیح سی جتھوں کمیشن ملدا ہوئے ، لہور میٹرو تقریباََ30ارب روپیے نال بنی سی ۔کامران بنگش نے آکھیا کہ اج او تریخی دن اے پشاور وچ بی آر ٹی دا افتتاح دا جشن منایا جا رہیا اے ۔ کجھ حلقیاں نے ظاہر کرن دی کوشش کیتی سی کہ بی آرٹی اُتے کم مکمل نہیں ، اساں اوس تنقید نوں خندہ پیشانی نال تسلیم کر لیا ، ساہنوں خوشی اے کہ اج مخالفین وچ بی آر ٹی وی سفر کرن گے ۔

اپنا تبصرہ گھلو