ماضی دے حکمراناں نے ذاتی مفاد نوں قومی مفاد تے ترجیح دتی: شبلی فراز

اسلام آباد: وفاقی وزیر اطلاعات شبلی فراز آکھیا ماضی دے حکمراناں ولوں ذاتی مفاد نوں قومی مفاد تے ترجیح دتی گئی۔ اسلام آباد وچ تقریب نال خطاب کردیاں شبلی فراز آکھیا قائداعظم نے جہڑے خواب نوں حقیقت دا روپ دتا ایہدی اہمیت ہن ہور واضح ہو گئی اے، ساڈا فرض اے آن والی نسلاں نوں مضبوط تے مستحکم پاکستان دیئے، اقوام عالم وچ پاکستان دا وقار اُچا کرن لئی خود انحصار قوم دے طور تے ابھرنا ہووے گا، سانوں عہد کرنا ہووے گا کہ وطن عزیز دی ترقی لئی اپنا بھرواں کردار ادا کریئے۔ وفاقی وزیر آکھیا وزیراعظم عمران خان دی قیادت وچ حکومت معاشی تے سماجی ترقی لئی کوشاں اے۔ موجودہ حکومت نے نویں پاکستان دا وژن دے کے اپنے آپ نوں عوامی ترقی لئی وقف کر دتا۔ ماضی دی پالیسیاں دی وجہ توں پاکستان نوں بہت نقصان ہویا۔ مادر وطن نوں مثالی اسلامی فلاحی ریاست بنان لئی سانوں ساریاں نوں کردار ادا کرنا اے۔